IRVI birra

Ulf K. Eriksen

Irvi - stedet fra sjøen.jpg

Irvi - stedet fra sjøen

                                                           Irvi - Porsáŋgguvuona. Govven: Ulf K. Eriksen

Jorgalan: ImO

 

Irvi lea Porsáŋggu sámegiel neahttamagasiidna.

Irvi lea sámegiel sátni, ja mearkkaša čeavrábiedju. Čeavrris lei dolin Porsáŋggu sámiide deaŧalaš ealli. Mii sávvat ahte Irvi šaddá deaŧalaš gávnnadanbáikin gos sáhttá oahppat ja lohkat sámi áššiid birra, ja lohkat báikkálaš ságaid.

Neahttamagasiidna galgá sisttisdoallat giella-, kultur- ja ođasáššiid. Dat galgá ovdanbuktit áššiid báikkálaš, sámi geahččanguovllus. Mii háliidat olahit vuosttažettiin Porsáŋggu ássiid, ja maiddái kránnjágielddaid sámi ássiid. Min áigumuš lea ráhkadit miellagiddevaš neahttabáikki man eandalii nuorat geavahivčče. Neahttabáiki galgá lasihit sámegiela geavaheami, ja sávaldahkan lea šaddat ávkin Porsáŋggu sámegiela ja kultuvrra ovddideamis.

Geavaheaddjit

Mihttomearri lea šaddat máŋggabealat ja álkis neahttabáikin mii fállá eanas oasi dain bálvalusain maid ođđaáigásaš neahttasiiddut fállet, ja seammás leat ávkkálaš geavaheddjiide. Olbmot galget ieža sáhttit dohko bidjat govaid, teavsttaid, videoid ja čállit oaiviliid. Mii eat hálit juohkit cielahemiid, ja danne eat suova almmuhit cielahemiid ja fallehemiid. Mii atnit vuoigatvuođa sihkkut čállosiid dahje čálliid almmá dieđiheami haga, jus sii rihkkot dán njuolggadusa.

Giella

Go dušše oassi Porsáŋggu sámi álbmogis máhttá sámegiela, de ferte neahttabáiki leat guovttegielat. Gáržžes ruđalaš ja olmmošlaš návccaid dihte eat sáhte buot artihkkaliid jorgalit sámegillii, muhto deaŧaleamos artihkkalat gal jorgaluvvojit.

Filbma, jietna ja teaksta

Go Irvi almmuha sihke teavstta ja jiena/video artihkkala fárus, de ii leat čálalaš teaksta sánis sátnái seamma go mii daddjojuvvo jietna- dahje videobáttis. Vai šaddá vuogas lohkat, de lea dárbbašlaš heivehit njálmmálaš giela, danne go sánis sátnái šattašii njálmmálaš giella unohis lohkangiellan. Soaitá maid leat dárbbašlaš sirdit teavstta jiena ektui vai šaddá vuohkkasit ovdanbuktin. Mii datte váruhat ahte eai šatta rievdadusat mat nuppástuhttet oaivila sisdoalu.

Liŋken - goallosteapmi

Neahttamagasiidnii lea deaŧalaš ovttasdoaibmat eará neahttasiidduiguin ja danne lea lunddolaš goallostit iežas daidda, bidjat liŋkkaid. Vaikko mii dahkat buot maid sáhttit hehttet goallosteami siidduide gos leat virusat dahje bahás prográmmat, de liikká eat sáhte váldit ovddasvástádusa eará neahttasiidduid sisdoalu dáfus. Danne berrejit geavaheaddjit jierpmálaččat doaibmat Interneahtas ja fuolahit ahte sis álo leat ođastuvvon anti-virusprogrammat.

Eaiggát

Doaimmaheaddjin lea Porsáŋggu gielda Sámegiela ja sámi kultuvrra bargojoavkku bokte. Sámediggi ruhtada prošeavtta giellaruđaid bokte maid juolluda Porsáŋggu gildii. Prošeakta álggahuvvui golggotmánu 1. beaivvi 2013.

Irvi ii leat mielde Norgga preassalihtus ii ge eará mediaorganisašuvnnain, muhto geahččala liikká čuovvut mediadoaimma ehtalaš njuolggadusaid.

Jus háliidat eambbo dieđuid, de váldde oktavuođa Irviin epoastta bokte.

Sámegillii

Underholdning

Grandalen september
Tuesday, August 19, 2014 - 16:04

August går mot slutten og her er Irvi med ny tegneseriekonkurranse.